ROXAS CITY, CAPIZ– Naka red-alert status na ang Bureau of Fire Protection-Roxas City para sa palaabuton nga tigkalalag 2025.
Sa interview sang Bombo Radyo kay Senior Fire Officer 1 Junemar Galve, Chief Public Information Officer sang Bureau of Fire Protection-Roxas City, iya ginpahayag nga nakahanda na ang tanan nga katapo sang talatapan kag dalayon na nga ginlunsyar ang Oplan Undas 2025.
Suno kay Senior Fire Officer 1 Galve, may masobra 80 ka mga katapo ang iga-deploy sa nagkalain-lain nga patyo kag iban pa nga mga lugar sa palibot sang syudad sang Roxas kag nakahanda naman ang lima ka firetrucks kag ambulansya nga magaresponde.
Pahayag pa niya, nakipag-angut na ang ila talatapan sa iban pa nga ahensya sang gobyerno agud nga masigurado ang seguridad sang tagsa ka mgapadulong sa mga patyo.
Nagpanawagan naman ang natungdan nga mangin aligmat kag siguruhon nga nakapabgbugnot sa mga saksakan ang tanan nga mga appliances pati na ang paglikaw sa pagbilin sang nakasindi nga kandila antes nga bayaan ang puluy-an agud nga malikawan ang sunog.
Interviewed by: Bombo Roadnie Daban Dalanon via Bombohanay Bigtime
