CAAP, ginkumpirma nga nag-emergency landing ang isa ka Cebu Pacific flight nga padulong sa Maynila subong nga Sabado

Ginkumpirma sang Civil Aviation Authority of the Philippines (CAAP) nga nag-emergency landing ang isa ka Cebu Pacific flight pabalik sang Mactan-Cebu International Airport (MCIA) sining aga sang Sabado, Marso 8.

Suno sa ahensiya, naka-eksperyensiya sang landing gear issue ang Cebu Pacific Air flight CEB588 rason nga nagbalik ini sa Mactan-Cebu International Airport takna alas-5:30 sang aga.

Natabo ang insidente samtang biyahe Maynila ang eroplano.

Nakuhaan man sang video ang sitwasyon sa sulod sang eroplano sang matabo ang insidente kun sa diin nagahatag sang safety instruction ang isa ka flight crew sa mga sakay nga pasahero.

Suno sa CAAP, luwas ang tanan nga mga pasahero kag crew nga sakay sang amo nga eroplano.