-- ADVERTISEMENT --
ROXAS CITY – Yara na sa state of decomposition sang nasapwan ang bangkay sang isa ka call center agent, sa sulod sang iya ginateniran nga balay sa Brgy. Oñate de Leon extention, Mandurriao, Iloilo.
Ginkilala ang biktima kay Nonelon Luna Lara Jr., residente sang Brgy. Bunga, Mambusao, Capiz.
Sa nakuha nga impormasyon sang Bombo Radyo sa Mandurriao Police Station, katapusan nga nakit-an si Lara sang Mayo 28, kag nagreklamo lang ang iban nga mga boarders nga may nagapanimaho sa amu nga kuwarto.
Wala man sang nakita nga foul play ang mga kapulisan sa insidente.
Apang nag-request ang pamilya nga ipaidalom sa autopsy examination ang bangkay sang ila himata.
-- ADVERTISEMENT --
