ROXAS CITY – Madayon ang canvassing kag ang proklamasyon ni Presumptive President Ferdinand ‘Bongbong’ Marcos Jr. kag presumptive Vice President Inday Sara Duterte-Carpio, apisar nga nag-file sang Temporary Restraining Order (TRO) sa Korte Suprema ang mga anti-Marcos organization, agud ipauntat ang official canvassing sang boto para sa presidente kag bise-presidente.
Ini ang ginpahayag ni Atty. Wil Arceño, provincial election supervisor, sang mainterview sang Bombo Radyo.
Suno diri, pagasuguran na sa masunod nga semana ang canvassing kag pagasundan sang proklamasyon sa masunod nga semana, samtang may ginasunod nga proseso ang pag-file sang TRO.
Ginpahayag man sini nga wala ini sang nahibaluan nga may nag-file sang election protest nga nagikan sa Western Visayas, ini bangud posible milyon ang magasto sa nasambit nga tikang.
Sa pihak nga bahin, preparado ang Comelec sa patigayunon nga Barangay kag SK elections nga natalana sa Disyembre 2022, apang nakadepende sa Kongreso kun iga-reschedule ukon indi ang eleksyon sa subong nga tuig.
Nahibaluan nga Oktubre 2020 kuntani ang nangin eleksyon apang wala ini madayon.
