Nagpakigbahin ang Capiz Environment and Natural Resources Office (CAPENRO) sang mga programa sang ila talatapan natuhoy sa pagproteher sang dunang-manggad sang probinsya sang Capiz.
Sa interview sang Bombo Radyo kay Ronald Allan Cullo, head sang Capiz Environment and Natural Resources Office (CAPENRO), iya ginpahayag nga kabahin diri amo ang community pantry kun sa diin magahatag sila sang goods sa mga pumuluyo kabaylo sang seeds nga ila gamiton for propagation.
Suno pa kay Cullo, nagapadayon man ang ila nga tree-growing kag mangrove planting sa pila ka mga kabukiran kag coastal area sang probinsya nga daku gid ang mabulig sa tion sang kalamidad.
Pahayag pa niya, hugot man nila nga ginbantayan ang mga kaso sang illegal logging kaupod ang Department of Environment and Natural Resources (DENR) sa pagmonitor kag pagdakup sang sini nga ginabawal nga aktibidad.
Nagapanawagan man ang natungdan sang kooperasyon sa tanan nga pumuluyo sang bug-os nga probinsya sang Capiz, nga magbuligay kag maghatag aksyon sa pagproteher sang palibot.
