ROXAS CITY, CAPIZ- Nagapabilin nga preparado ang mga kapulisan sang Capiz Police Provincial Office, pananglitan nga may mga grupo nga magpatigayon sang hublag-protesta sa palibot sang probinsya.
Sa interview sang Bombo Radyo kay Police Captain Merry Chris Dela Cruz, Public Information Officer sang Capiz Police Provincial Office, iya ginpahayag nga may yara na sila sang mga safety measures kag pila ka mga preparasyon nga ginahiwat may kaangtanan sa posibilidad nga hublag-protesta.
Suno kay Dela Cruz, ginpahamtang na ang mga Police Assistance Desks kag Civil Disturbance Management Teams.
Dugang pa nya, nagapadayon sa pagmonitor ang ila nga talatapan sa mga posibilidad kag ginasiguro sini nga seguridad sang mga pumuluyo.
Pahayag pa sang natungdan, pananglitan nga may magpatigayon sang hublag-protesta, kuntani hiwaton ini sa maayos kag malinong nga mga pamaagi.
Interviewed by Bombo Jessa Mae Siman De Los Santos
