Tuman ang kasadya sang isa ka Capiznon sang makakuha sang duha ka gold sa Regional Association of State Universities and Colleges (RASUC) VI 2026.
Nakuha ini sang gold sa Dramatic Monologue kag Oral Interpretation sa RASUC VI Regional Culture and the Arts Festival and Conference 2026.
Sa interview sang Bombo Radyo kay Kin Sabala, iya ginpahayag nga ang nasambit nga kadalag-an ang indi lang solo sini nga bugal bangud dala man sini ang pangalan sang iya sini nga buluthuan nga Capiz State University.
Suno kay Sabala, apisar nakapreparar man ini, wala gid sini ginalauman nga duha ka gold ang iya sini nga makuha.
Pahayag pa niya, ang iya sini nga piece nga “tamawo” ang nangin rason sang iya nga kadalag-an kun sa diin nagahatag sang moral nga leksyon nga isa ka sayop ang magkuha sang bagay nga indi ikaw ang nagapanag-iya.
Dugang pa sang natungdan, tuman man sini ang iya pagpasalamat sa iya pamilya, coaches, abyan kag buluthuan sa pagsuporta kag paghatag sa iya sang motivation kag inspirasyon nga magpadayon.
INTERVIEWED BY: BOMBO ROADNIE DALANON AND BOMBO GEN ARCOSA
