VATICAN – Magapabilin bilang pro-prefect sang Dicastery for Evangelization si Cardinal Luis Antonio Tagle tubtub nga mag-appoint sang bag-o nga opisyal sang Roman Curia si Pope Leo XIV.
Suno sa cardinal, nakabaton siya sang komunikasyon nga nagapamatuod nga gin-retain na sang bag-o nga Santo Papa ang tanan nga opisyal sa Roman Curia tubtub may bag-o nga desisyon.
Sa interview kay Cardinal Tagle sa Pontificio Colegio Filipino sa Roma, ginpahayag sini nga wala naghambal ang Santo Papa nga may yara sang bag-o nga opisyal sa sulod sang isa ka bulan gani ayhan kinahanglan nga pamalandungan ini sang bag-o nga pontiff.
Hulaton suno sa ila ang mangin desisyon sang Santo Papa kun luyag sini nga maghimo sang mga pagbag-o.
Sa masami kon magtaliwan ang Santo Papa, nga amo ang pangulo sang mga dicastery sang Roman Curia nga ginatawag man nga “prefects”, awtomatiko nila nga ginabakante ang ila posisyon agud tugutan ang bag-o nga Santo Papa nga magtangdo sang iya mga katapo sang gabinete.
Madumduman nga ang nagtaliwan nga si Pope Francis nagtangdo kay Cardinal Tagle sa sini nga posisyon sa dicastery sang 2022.
