Isa na ka severe tropical storm ang bagyo nga “Carina”.
Suno sa Philippine Atmospheric, Geophysical and Astronomical Services Administration (PAGASA) nasiplatan ang sentro sang bagyo sa kalayuon nga 420 kilometros sang nasidlangan sang Tuguegaro City, Cagayan.
May kabaskugon ini sang hangi nga 100 kilometros kada oras kag pagmadlos nga 125 kph.
Ginbatak ang Tropical Cyclone Wind Signal number 1 sa nasidlangan nga bahin sang Santa Ana, Gattaran, Baggao, Peñablanca, Lal-Lo, Gonzaga sa Cagayan kag Divilacan, Palanan, Maconacon sa northeastern sang Isabela.
Magadala sang lapnagon nga pag-inulan sa dako nga bahin sang Luzon ang nasambit nga bagyo.
Ginalauman nga sa Miyerkules pa sang gab-i tubtob sa kaagahon sang Huwebes dalayon nga magguwa sa Philippine Area of Responsibility ang amo nga bagyo.
