Nakabaton sang dugang nga P20 milyon gikan sa Office of the President si Pinoy 2-gold Olympic medalist kag gymnast Carlos Yulo.
Ginhiwat ang nasambit nga paggawad sang cash incentives sa Palasyo sang Malacañang pila ka oras pag-abot sa pungsod sang mga atleta nga Pinoy nga sumabak sa Paris Olympics.
Suno kay Presidente Ferdinand Marcos Jr nga gintapatan lamang sini ang incentives nga nakasaad sa Republic Act 10699 or the National Athletes, Coaches, and Trainers Benefits and Incentives Act.
Nakasaad sa layi na ang sinuman nga atleta nga makakakuha sang bulawan nga medalya sa Olympics ang makabaton sang P10 milyon.
Bangud duha ka bulawan nga medalya ang nakuha ni Yulo halin sa floor exercise kag vault makabaton ini sang P20-M base sa nasambit nga layi.
Gin-gawaran man ni PBBM si Yulo sang Medal of Merit nga ginahatag sa mga indibidwal nga nakahimo sang mga pagkilala sa mga international events sa patag sang literature, sciences, arts, entertainment kag sports nga makabig nga national pride.
Pagahatagan man sang dugang nga P2-milyon ang mga bronze medalist nga sanday Pinay boxers Nesthy Petecio kag Aira Villegas ng kun sa diin gintapatan man sang Presidente ang nakasaad sa layi nga P2-M.
Mangin ang mga wala nakakuha sang medalya ang ginhatagan man sang Presidente sang incentives nga nagabalor sang P1-M samtang tig-P500,000 naman ang ginpanghatag para sa mga coaches.
Ginhatagan man sang pagkilala ang tanan nga mga atleta nga kun sa diin ginkilala sang presidente ang kabudlay kag sakripisyo sang mga atleta nga makalakip sa mga international sporting events.
Matandaan nga sang tinalikdan lang nga adlaw sang Martes sang gabi sang nag-abot na sa pungsod ang atletang sumabak sa Paris Olympics nga kun sa diin nga subong nga adlaw naman sang Miyerkules, Agosto 14 pagahiwaton ang Heroes’ parade.
