Kumpiyansa ang anay world champion John Riel Casimero nga liwat maka-atubang sa ring si Japanese undisputed world champion Naoya Inoue.
Sa iya post sa social media, maisog nga ginsiling sini kay eight-division world champion Manny Pacquiao nga iatubang sa iya si Iboue bangud ini lamang ang makawasak sa record sang Japanese fighter.
Ang pahayag ni Casimero, matapos ginkumparar ni Top Rank Promotions chief Bob Arum ang Peoples champ kag Japanese fighter nga mas legendary suno diri ang career ni Inoue kung ikumparar kay Pacquiao kabangdanan nga gilayon naman nga nagsabat si Casimero agud sabton ang ginsiling si Arum.
Matandaan nga pinaagi sa isa ka interview, ginsiling ni Arum nga mataas ang respeto sini kay Pacquiao bangud sa mga kadalag-an nga nalab-ot sa iya boxing career.
Sa pihak sini nagbanat pa ang American promoter nga mas maduagon ang boxing career ni Inoue bagay nga nagpataas sa kilay sang pila ka mga boxing analysts kag fans.
Gintumod ni Arum ang matinlo nga rekord ni Inoue kung sa diin undefeated sumugod sa 29 nga hampang sini.
Samtang hawid sa karun ni Inoue ang titulo sa World Boxing Association (WBA), World Boxing Council (WBC), International Boxing Federation (IBF) kag World Boxing Organization (WBO) sa super bantamweight class.
