Ginpasakaan sang kaso sang Philippine National Police (PNP) Criminal Investigation and Detection Group (CIDG) si Cavite Representative Kiko Barzaga.
Suno kay CIDG Director Maj. Gen. Robert Alexander Morico II, ginpasaka sa Quezon City prosecutors’ office ang kaso nga sedition and inciting to rebellion bangud sa pagsugod sang Setyembre 21 “Trillion Peso March” riots.
Wala naman naghatag si sang dugang nga detalye bangud sa kahadlok nga mahalitan ang imbestigasyon sang piskal.
Sa post ni Barzaga sa social media, nagpost ini sang subpoena nga nagamando sa iya nga mag-atubang sa personal sa opisina sang Quezon City Prosecutors sa Nobyembre 17 kag 25 para sa preliminary
Madumduman nga makapila na ka beses nga nagpost sa iya social media si Barzaga nga naga-akusar sang korapsyon kay Presidente Ferdinand Marcos Jr.
Siya man ang yara sa likod sang panawagan nga magpatigayon sang protesta ang mga tawo sa atubang sang Forbes Park sa Makati City kun sa diin nahamtang ang mga balay nanday Leyte Rep. Martin Romualdez kag sang nag-resign nga Rep. Zaldy Co.
