Gin-aprubahan na sang Cebu City Council ang pagdeklara sang state of calamity sa Cebu City matapos sang pagkarusdak sang isa ka pribado nga sanitary landfill facility sa Barangay Binaliw.
Ang deklarasyon ginpatuman agud matagaan sang solusyon ang problema sa pagkuha sang basura sa siyudad, ilabi na gid subong nga nagahilapit ang Sinulog Festival nga ginapaabot nga makaproduce sang tonelada nga basura.
Ini nagluntad matapos magpagwa ang Department of Environment and Natural Resources (DENR) sang cease-and-desist order batok sa kompanya nga nagapanag-iya sang landfill.
Bangud sa state of calamity, gin-aprubahan man ang paggamit sang Quick Response Fund nga nagabalor sang P30 milyon.
Ang amo nga pondo pagagamiton para sa mga garbage disposal activities tuga sang insidente.
Suno sa lokal nga panguluhan, ginproklamar man ang Enero 16, 2026 bilang Day of Mourning bilang pagdumdom sa mga empleyado nga napatay sa insidente sang trash slide.
Nahibaluan nga naglab-ot na sa 13 ang kumpirmado nga patay kag may yara pa sang 18 ka indibidwal ang nagapabilin sa ospital samtang 23 pa ang missing.
