Wala nakahugpa ang eroplano sang Cebu Pacific sa Roxas City Airport nga gikan sa Ninoy Aquino International Airport bangud sa malain nga tiyempo.
Sa interview sang Bombo Radyo kay Ruiz Urquico, isa sa mga pasahero, ginpahayag sini nga nagalab-ot sa 15 minutos nga paglibot-libot sang ila ginasakyan nga eroplano sa kahawaan sang Roxas City Airport bangud indi ini makahugpa bangud man mabaskog nga pagbubu sang ulan.
Suno pa sa iya gin-abisuhan na lamang sila sang piloto nga magbalik sa NAIA kag hulaton na lamang ang feedback gikan sa Roxas City Airport kun nakahanda na ang mga ini nga mag-accomodate sang eroplano.
Mahibaluan nga kadamuan sa mga pasahero ang Iloilo pa ang destinasyon kag kalabanan sa ila ang naatrasar na ang flights bangud a problema sa pahugpaan sa Iloilo International Airport.
