ROXAS CITY – Malipayon nga ginpakigbahin sang chairman sang Kinaadman 2020 ang tradisyon kag kultura sang mga Indigenous People’s ukon IP’s.
Sa Good Morning Philippines Program ginpahayag ni Sam David Andrada nga dapat hatagan sang importansya ang mga IP’s kag likawan ang diskrimanasyon sa ila nga grupo apisar madamo na sa ila ang nagmadinalag-on sa kabuhi.
Ang Kinaadman 2020 ginpatigayon sadtong Oktubre 31 kun sa diin madamo nga mga partisipante ang nagpasakop pinaagi sa pagpatigayon sang webinars.
Suno kay Andrada nga pinaagi sa ila nga programa mabag-o ang panulok sang publiko sa mga IP’s sa sosyodad kag mas mahatagan sila sang igtalupangod.
Mahibaluan sang damlag lang ginselebrar ang Indigenous People’s month sang tinalikdan nga bulan.
Dugang pa sini nga kinahanglan nga mahanduraw sang mga tawo ang kaugalingon nga kultura kag ang pagpakita sang pagtahod sa isigkatawo partikular na sa mga IP’s.
