Ginkumpirmar sang Philippine Coast Guard (PCG) nga sa labing una nga kahigayunan, naggamit ang China sang Long Range Acoustic Device (LRAD) agud i-harass ang barko sang Pilipinas sa West Philippine Sea.
Suno sa PCG, masami nga nagagamit ang China sang water cannons kag mga delikado nga manuevers agud pahugon ang mga barko sang Pilipinas.
Sa isa ka pahayag ginpahayag ni PCG spokesperson for the West Phil Sea Commodore Jay Tarriela, naggamit ang China sang Long Range Acoustic Device (LRAD) nga isa ka specialized loudspeakers nga mahimo magpaguha sang mataas nga baskog sang tunog agud magtuga sang kahalitan sa eardrums pati na man ang permanente nga pagkadula sang pandinig.
Partikular nga gintumod ni Tarriela ang China Coast Guard vessel nga may hull number 3103 ang nagamit sang LRAD agud i-harass ang BRP Cabra (MRRV-4409) agud punggan ang paglapit sini.
Dugang pa ni Tarriela ginbuslan sang CCG-3103 ang CCG-3304 agud iligal nga magpatrolya sa parte sang exclusive economic zone sang Pilipinas.
Sa pihak sang pangpang-harass sang China Coast Guard wala nagpapugong diri ang BRP Cabra sang PCG.
Padayon naman ang ginahiwat nga tikang sang BRP Cabra agud malikawan ang pagsulod sa coastline sang Zambales.
Padayon man ang paghatag sang radio challenge sang PCG sa CCG kag ginpahayag nga ang ila presensya ang naglapas sa Philippine Maritime Zones Act, at United Nations Convention on the Law of the Sea (UNCLOS).
