ROXAS CITY- Ginpasalig ni City Councilor Midelo Ocampo nga liwat nga pagatutukan ang pagbaha sa pila ka mga mayor nga dalanon sa siyudad.
Sa interview sang Bombo Radyo kay Ocampo ginpahayag sini nga personal ini nga naglibot ang siyudad sa pihak sang pag-ulan kun sa diin nakita sini ang sitwasyon sang mga dalanon nga ginabaha.
Suno kay Ocampo nga luyag sini nga usisaon ang talatapan sang City Engineers Office kun na-aksyonan na sang siyudad ang madugay na nga problema pag-abot sa pabinaha.
Gindugang pa sini nga nakalab-ut naini nga problema kay City Mayor Ronnie Dadivas apang tubtob subong wala pa sang nagakaigo nga solusyon nga gin-implementar agud mahagan-hagan ang pagbinaha sa siyudad ilabi na sa tion sang mamunog nga ulan.
Suno pa kay Ocampo nga masami sini nga makita sa facebook ang mga laragway sang mga lugar nga ginabahaan sa siyudad kun sa diin madamo nga mga pumuluyo ang naapektuhan.
Samtang ginpasalig naman sini nga usisaon niya ang talatapan sang City Engineers Office angut sa estado sa pagpahamtang sang bag-o nga mga drainaige systems sa mga kabarangayan.
Matandaan nga katapusan ini nga nagpakig-angut kay City Engineer Noel Laminarez kun sa diin ginaproseso na sang siyudad ang pagbakal sang mga bag-o nga drainage systems apang tubtob subong wala pa sa gihapon gina-implementar.
Kalakip sa mga lugar nga masami ginbahaan amo ang porsyon sang Barangay Tiza, Milibili, Mongpong, Lawaan, Barangay II kag iban pa.
