Plano sang grupo nga Kilusang Makabansang Ekonomiyat (MKE) nga maglunsyar sang “People’s Court” kadungan sang posible impeachment trial ni Vice President Sara Duterte sa Senado.
Suno kay Jaime Regalario, chairman sang Kilusang Makabansang Ekonomiyat, ang ini nga tikang agud mabantayan sang maayo sang publiko ang dalagan sang ebidensya kag hustisya.
Tinutuyo sang grupo nga maghiwat sang ila kaugalingon nga hearing sa sulod mismo sang Senate compound kag plano nga magpangayo sang pwesto diri kay Senate President Tito Sotto.
Suno kay Regalario, magakuha sila sang kopya sang mga ebidensya gikan sa Senado agud ipresentar man sa ila forum nga pagatambungan sang nagkalain-lain nga sektor kag retirado nga mga mahistrado kaangay nanday anay Chief Justice Maria Lourdes Sereno kag Reynato Puno.
Ang depensa sang grupo amo nga indi ini isa ka “kangaroo court” kundi isa ka lehitimo nga paagi para sa mga pumuluyo nga magpartisipar sa pagpangita sang salabton.
Suno sa ila, magaserbe ini nga “balance” sa desisyon sang Senado pananglitan nga indi ini magsanto sa kamatuoran nga ginbuyagyag sang ila kaugalingon nga analysis.
