Gin-angut ni Commission on Elections Chairman George Erwin Garcia ang Smartmatic nga posible nga ang anay service provider sang poll body ang yara sa likod sang demolition job batuk sa komisyon.
Sa isa ka press conference subong nga adlaw, una nga ginklaro sang poll body chief nga wala siya sang foreign bank accounts kag peke ang mga ini taliwas sa mga ginahaboy nga akusasyon batuk sa iya.
Suno naman kay Garcia, may yara sang foreign entity ang nagatinguha nga manghilabot sa Pilipinas matapos madiskubre ang mga kompaniya nga yara sa likod sang nagapadayon nga demolition job.
Natumod suno niya ang kompaniya nga nakabase sa Amerika nga nagbukas sang bank account sa idalum sang iya pangalan agud suportahan ang akusasyo nga may yara siya sang offshore bank accounts nga gintaguan sang suhol nga kwarta.
Dugang pa ni Garcia nga nadiskubre sang iya team ang tag-iya sang Jaleo Consulting nga nakabase sa Miami, Florida.
