COMELEC, ginapahulag na gilayon agud dalayon na nga i-disqualify sa pagpadalagan sa 2025 elections si Guo Hua Ping ukon Alice Guo

Ginganyat  sang mga senador ang Commission on Elections (COMELEC) nga ipatuman gilayon ang kinahanglanon nga tikang para madiskwalipika sa pagkandidato sa 2025 elections sa anuman nga posisyon sa gobyerno si dismissed Mayor Alice Guo.

Suno kay Senator Sherwin Gatchalian, ang nareport nga plano ni Guo Hua Ping ukon Alice Guo nga magpadalagan sa public office amo ang isa ka pagpangahas nga pagtuyo nga epakanubo ang layi sang pungsod.

Ginhatagan pagtamud ni Gatchalian nga gin-aprubahan sang COMELEC ang rekomendasyon sang ila nga law department nga aksyunan ang pagpamalabag ni Guo sa Omnibus Election Code bangud sang misrepresentation ukon pagbinutig partikular na sa pagkakilala kag  nationality sini.