Sa nagahilapit gna 2025 midterm elections, nagpanawagan si Commission on Elections (Comelec) chair George Garcia sa publiko nga indi pag-iboto ang mga politico nga magatan-ay sang kwarta para sa boto.
Sa ginpatigayon nga Ceremonial Signing and Launching sang Committee on Kontra Bigay ginsiling ni Garcia nga indi kinahanglan pagbatunon sang mga botante ang kwarta bangud bwas damlag sang pungsod ang nakasalalay diri.
Suno pa sa Comelec chair, kung indi magapadala ang mga botante sa vote-buying, mapakita nila nga makabig ang mga Pilipino nga “mature people of a maturing democracy.”
Mahibaluan nga natalana nga igapatigayon ang 2025 midterm elections sa palaabuton nga Mayo 12, 2025.
Kaangut sini, matandaan nga sang damlag lang sang ginpaguha sang ahensya ang listahan sang 66 nga mga kandidato para sa pagkasenador.
Mahimo nga magpangampanya ang mga kandidato sumugod Pebrero 11 tubtob Mayo 10, 2025.
