CAPIZ – Nagpakigbahin sang schedule sa pagfile sang Certificate of Candidacy para sa 2026 Barangay and Sangguniang Kabataan Elections.
Sa interview sang Bombo Radyo kay Atty. Will Arceño, Capiz Provincial Election Supervisor kag Assistant Regional Director, Comelec Western Visayas, iya ginpahayag nga magasugod ang pag-file sang Certificate of Candidacy sa Setyembre 28, 2026 tubtob October 5, 2026.
Suno kay Atty. Arceño, sa mga aspiring nga kandidato nga magapadalagan, kinahanglan nga bonafide Filipino cirtizwn ,registered voter, kag may kapasidad sa pagsulat sa Filipino kag english.
Pahayag pa niya, wala na sang dugang pa nga extension ang filing gani ginapangabay nga indi magdaguso sa ulihi nga adlaw sang registration.
Nagpanawagan man ang natungdan nga mangin sensiro kag responsable sa pagpadalagan agud nga mangin malinong kag matawhay ang pagpatigayon sang election.
