Bangud sa pag-likaw nga sabton ang mga palamangkutanon sa hearing sang Quad Comm sang Kamara de Representantes, na-contempt ang anay pinuno sang Philippine Drug Enforcement Agency (PDEA) nga si Wilkins Villanueva.
Gin-aprubahan sang komite, nga ginapamunuan ni Surigao del Norte 2nd District Rep. Robert Ace Barbers, ang isa ka mosyon nga nagahambal ginpamalabagan ni Villanueva ang Seksyon 11(c) sang House Rules of Procedure Governing Inquiries in Aid of Legislation.
Nag-mosyon si Abang Lingkod Party-list Rep. Joseph Stephen “Caraps” Paduano matapos ang pagpamalibad ni Villanueva sa pabalik balik nga pamangkot angut sa iya nga pagka-ulamid sa warrantless arrest ni Jed Pilapil Sy, asawa sang ginapatihan nga drug lord nga si Allan Sy, matapos ang raid sadtong 2004 sa isa ka shabu laboratoryo sa Dumoy, Davao City.
