Nagpatigayon sang isa ka coordination meeting ang Quezon City Police District (QCPD) kaupod ang Quezon City Department of Public Order and Safety bilang paghanda para sa ginalauman nga lapnagon nga rally nga patigayunon sa Nobyembre 30.
Ang nasambit nga pagsinapol ang ginpatigayon agud preparahan ang mga posible nga senaryo kag masigurado ang seguridad, kalinong, kag katawhay sa bilog nga lugar sang rally.
Magluwas pa diri, katuyuan man sang pagsinapol nga itaas ang lebel sang preparasyon sa mga emergency situations kag ang madasig nga pagresponde sa ano man nga kinahanglanon sa adlaw sang dako nga pagtililipon.
Sa sulod sang pagsinapol, isa sa mga nagapanguna nga gintalakay amo ang pangkabilugan nga detalye sang patigayunon nga One Trillion Peso March, kalakip na ang mga ginalauman nga ruta kag lokasyon sang pagtililipon.
Hugot man nga ginhatagan igtalupangod ang security briefing agud masigurado nga ang tanan nga mga opisyal kag volunteers ay may maathag nga paghangop sa ila nga mga obligasyon kag responsibilidad.
Kalakip man sa pag-istoryahanay ang marshalling briefing, nga nagatuyo nga makahatag sang pagsulundan sa mga marshalls kun paano ipabilin ang katawhay kag seguridad sa sulod sang rally.
