ROXAS CITY-Nakapagkit sang napulo ka panibag-o nga kaso sang corona virus disease 2019 ukon COVID-19 ang siyudad sang Roxas.
Sandig sa Official Statement ni Roxas City Mayor Ronnie Dadivas nga sa 10 ka mga panibag-o nga kaso, tatlo diri ang mga health workers sa Roxas Memorial Provincial Hospital.
Ini ang ginalakipan sang mga masunod:
1. 32-anyos nga babaye nga health worker sang RMPH kag residente sang Arnaldo Boulevard, Barangay Baybay, Roxas City.
2. 21-anyos nga babaye nga health worker sa RMPH kag residente sang Burgos Ilawod, Bragangay. V, Roxas City.
3. 38-anyos nga lalaki nga health worker sa RMPH kag residente sang Blk. 2, JumaguicjicVille Barangay Jumaguicjic, Roxas City.
4. 60-anyos nga babaye nga residente sang Sitio Bangkiling, Barangay Tiza, Roxas City kag close contact sang nauna nga positive case.
5. 30-anyos nga babaye nga residente sang Sitio Bangkiling Barangay Tiza Roxas City kag close contact sang nauna nga positive case.
6. 58-anyos nga lalaki nga isa ka frontliner sa City Government, residente sang Sitio Bangkiling Barangay Tiza, Roxas City kag close contact sang nauna nga positive case.
7. 38-anyos nga lalaki kag isa man ka frontliner sang City Government kag residente sang Brgy. Banica Roxas City kag close contact sang positive case.
8. 36-anyos nga lalaki nga residente sang Sto. Nino, New Road Barangay Mongpong, Roxas City kag Ini ang nagpaidalom sa quarantine humalin sang Setyembre 17.
9. 61-anyos nga lalaki kag residente sang Daliva Subdivision, Barangay Tanque, Roxas City kag wala sang travel history apang may yara miyembro sang pamilya nga nagabisita sa iya.
10. 94-anyos nga lalaki nga residente sang Hemingway St., Barangay Tiza, Roxas City kag Wala sang travel history apang may mga miyembro sang pamilya nga nagasulod kag guwa sa ila nga panimalay.
Ang nasambit senior citizen ang symptomatic kag yara karon na-admit sa Roxas Memorial Prpvincial Hospital.
Samtang may yara naman sang tatlo ka mga recovered cases ang napagkit sa syudad kahapon nga adlaw.
Ini ang ginalakipan sang mga masunod:
1. 50-anyos nga lalaki nga residente sang Brgy. Culasi, Roxas City.
2. 40-anyos nga babaye nga residente sang Barangay Baybay, Roxas City.
3. 51-anyos nga babaye kag residente sang Barangay Milibili, Roxas City.
Sa karon yara na sa 199 ang kabug-osan nga kaso sa siyudad kun sa diin 80 diri ang active cases ukon padayon nga nabulong sa ospital, 99 ang nag-ayo sa nasambit nga balatian kag 20 ang ginbawian na sang kabuhi.
