Nakarecord na ang Capiz Police Provincial Office (CPPO) sa mga kaso sang paglapas sa Ordinance No. 043-2020 nga nagadumili sa paggamit sang videoke kag sound system sa takna sang alas-10:00 sang gab-i.
Lakip man sa ginatutukan sang mga kapulisan ang Ordinance No. 005-2021, nga nagadumili sa indi pagsasuksok sang t-shirt kag nagainum sang makahubug nga ilimnon sa pampubliko nga lugar.
Sa interview sang Bombo Radyo kay Police Major Rachelle Garnica, public information officer sang amo nga talatapan, iya ginpahayag nga dako nangin ang partisipasyon sang mga barangay officials sa pagpatuman sang amo nga ordinansa.
Suno kay Garnica, padayon ang ginapatigayon nga police visibility sang mga otoridad agud mabantayan kag mapunggan ang posible nga paglapas sa amo nga ordinansa.
Nagapanawagan man ini sa publiko nga sundon ang mga lokal nga ordinansa agud mapabilin ang kalinong sa komunidad.
