ROXAS CITY – Nagapadayon sa gihapon ang imbestigasyon angut sa kamatayon ni Police Executive Master Sergeant Edgar Durias sang Barangay Salocon, Panitan matapos ginaalegar nga aksidente sini nga naluthangan ang kaugalinon sa nalikod nga bahin sang President Roxas Municipal Police Station.
Nagapati si Police Col. Canelo Fuentes, provincial director sang Capiz Police Provincial Office nga indi mahimo sang isa ka senior officer nga utason ang kabuhi bangud lamang sa problema nga pagproseso sang lisensya sang mga armas.
Nagaguwa sa ila imbestigasyon nga posible gikan sa CR si Durias kag nadanlog rason nga aksidente sini napitik ang gatilyo sang armas.
Samtang, nagpanawagan naman ang opisyal nga indi na pagpalawigon pa ang isyu bangud nagaguwa man sa ginpatigayon nga imbestigasyon nga accidental firing ang natabo sa nasambit nga pulis.
Nahibaluan nga si Durias ang kapin sa 22 ka tuig na nga nagapanerbisyo bilang isa ka pulis kag napulo pa lamang ini ka bulan nga na-assign sa President Roxas Municipal Police Station.
