Napabilin sang Japan Credit Rating Agency (JCR) ang investment-grade credit rating sang Pilipinas sa “A-” nga may “stable” nga panan-awan, nga nagapakita sang mapag-on nga ekonomiya sang pungsod.
Ang Gross Domestic Product (GDP) sang pungsod nagtubo sang 5.4% sa una nga quarter sang 2025, samtang ang inflation nagpabilin nga manubo sa 2.0% sa una nga apat ka bulan sang tuig.
Suno sa JCR, sa pihak sang pagbag-o sa taripa sang Estados Unidos, nagapabilin nga mabakod ang foreign exchange liquidity sang Pilipinas, nga nagapakita sang mataas sini nga ikasarang sa pag-atubang sa mga pagpanghangkat sa ekonomiya sa guwa.
“Despite increased uncertainty due to changes in U.S. tariff policies, [the] Philippines’ foreign exchange liquidity position remains solid, and JCR expects the economy to retain high resilience to external shocks going forward,”siling sang JCR.
Ginalauman nga magapabilin sa “upper 5% range” ang pagdabong sang Gross Domestic Product sini nga tuig, base sa pag-analisar sang JCR kag sang Bangko Sentral ng Pilipinas (BSP).
Ginkilala man sang Fitch Ratings ang mabakod nga ekonomiya sang pungsod, nga nagamentinar sang iya Better Business Bureau “BBB” nga credit rating nga may malig-on nga panan-awan bangud sang pagnubo sang implasyon, maayo nga polisiya sa kuwarta, kag mabakod nga utang publiko.
