Ginpasalig sang Department of Agriculture (DA) nga fit for human consumption ang P20 nga bugas nga natalana nga ibaligya sa publiko sang administrasyon subong nga Martes, pagkatapos sang eleksyon subong nga tuig.
Paathag sang Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, ang bugas nga ginabaligya sa idalom sang nasambit nga programa ang lunsay halin sa aging stock sang National Food Authority (NFA) buffer stock.
Ginpasalig ni Guevarra nga naga-agi sa maid-id nga quality control ang bugas kag ginapasiguro nga indi magbaligya ang ila ahensya sang bugas nga indi makabenepisyo sa publiko.
Samtang, ginhatagan man pagtamod sang opisyal nga bisan sila mismo ang nagakaon sang bugas, nga ginabakal sang NFA sa mga lokal nga mangunguma sa mga uma sa bug-os nga pungsod.
Una na nga ginlunsar ang nasambit nga programa sa Cebu kag temporaryo nga gin-untat ang pagbaligya bangud sa election ban ban samtang ginpaisol naman ang pagbaligya sang P20 nga bugas sa NCR pagkatapos sang eleksyon.
