DA, ginsuguran na ang pagbaligya sang mas ginpanubo nga presyo sang bugas sa mga Kadiwa Market

Nakatalana nga buhinan sang Department of Agriculture (DA) ang presyo sang bugas nga ginabaligya sa mga Kadiwa stores.

Suno sa DA nga magasugod subong nga Pebrero 12 ang price reduction para sa ila nga Rice-for-All (RFA)program.

Nakit-an sang DA nga dalayon na nga maganubo ang presyo sang bugas ilabi na nga malapait nalang ang panahon sang patubas.

Dugang pa ni Agriculture Secretary Francisco Laurel nga mahimo nga magbuhin sang tubtob P3 sa kada kilo sang bugas.

Paathag sini nga padayon sa gihapon nga makabakal sang tig-P29 sa kada kilo sang bugas ang mga vulnerable groups kasubong sang mga senior citizens, persons with disabilities, solo parents kag mga indibidwal nga gikan sa indigent sectors.