Nagtingub sang pwersa ang Department of Agriculture kag ang Department of Labor and Employment agud mapalapnag pa ang mga KADIWA store sang Presidente.
Magkaupod nga ginpirmahan ni Agriculture Sec. Francisco Tiu-Laurel Jr. kag Labor Sec. Bienvenido Laguesma ang isa ka memorandum of understanding.
Tuyo sang kasunduan nga ini nga mailakip ang mga nagapanguna nga programa sa Integrated Livelihood Program sang DOLE.
Napagkasunduan nga ang DOLE, may mandato nga mag provide sang nagakaigo nga manpower sang nagdamo pa ang Kadiwa Center sa pungsod.
Suno kay Labor Sec. Laguesma, makabulig ini agud makahatag sang dugang nga trabaho para sa mga madamo nga Pilipino.
Nagdangat sa kapin 1,500 ang plano sang gobyerno nga itukod nga mga KADIWA STORES sa bilog nga pungsod.
