DA, kumbinsido nga indi magakulang ang agri-products subong nga holiday season

Gintuad sang Department of Agriculture nga nagapabilin nga stable ang supply sang mga agricultural products sa pungsod subong nga nagahilapit na ang christmas season.

Ini ang bangud sa mga ginahiwat nga importasyon sang mga produkto agud mahatag kag mag-alalay sa lokal nga produksyon agud maabot ang demand sa pungsod.

Suno kay DA Assistant Secretary Arnel De Mesa, nabalanse sang importasyon ang supply sang agri-products sa Pilipinas.

Maayo man suno ang lokal nga produksyon sang mga utanon sa pihak sang mga kalamidad.

Samtang, kun magkulang man ang supply sang baboy kag manok, napaghandaan na suno sini ini sang ila ahensya.

Kun matandaan, dako ang nangin epekto sang African Swine Fever sa produksyon sang baboy sa pungsod.