Ginmando na sang Department of Agriculture ang temporaryo ban sa pag-import sang mga sapat kag mga derived products halin sa Slovakia .
Kasunod ini sang paglapta sang kaso sang Foot-and-Mouth Disease sa mga baka sa pungsod.
Suno sa report sang Slovak veterinary authorities sa World Organization for Animal Health, ang isa ka Foot-and-Mouth Disease outbreak narekord sa Dunajskd Streda, Trnavsky.
Suno kay Agriculture Secretary Francisco P. Tiu Laurel Jr. , ang temporaryo nga pagdumili nagatuyo nga matapna ang paglapta sang virus sa pungsod kag ma-amligan ang ikaayong lawas sang mga kasapatan sa pungsod.
Base sa pag-issue sang Memorandum Order No.21 sang tiglikom, hugot nga ginadumilian ang pag-import sang buhi nga baboy, baka kag karabaw kag iban pa nga may kaangtanan sa mga produkto.
May mga produkto nga ginapahanugutan nga i-import kaangay sang ultra-high-temperature nga gatas, heat-treated meat products nga selyado kag yara sa mga suludlan, protein meal, gelatin, kag iban pa.
