Dako ang amun pagsalig nga sa amun pagdumdum amun na ang balay, gali indi pa – Pumuluyo nga ginpahalin

ROXAS CITY – ”Dako ang amun pagsalig nga sa amun pagdumdum amun na ang balay, gali indi pa”.

Ini ang masubo nga pahayag ni Aivan naga-istar sa balay nga una ginpahalin sang Local Government Unit (LGU) sang Panay sang mainterview sang Bombo Radyo.

Suno diri, nakabaton man sila sang notice nahanungod sa pagpahalin sa ila apang lipod sa iya ihibalo nga gulpi ini nga matabo kag wala sila sang may masayluhan nga balay.

Mahibaluan nga 2019 pa nagsugod nga mag-istar sanday Aivan kaupod ang pamilya sini sa Panay Ville.

Ginpahyag man sini nga wala na sila sang may mahimo bangud wala sila sang legal nga papel nga ginahiwaran.

Sa karun plano na lamang nila nga temporaryo nga mag-istar sa ila mga himata.