GENERAL SANTOS CITY- Patay na sang masapwan kag tadtad sang buno sa sulod sang ila nga balay ang isa ka 21-anyos nga dalaga sa General Santos City.
Sa isa ka report, ginpahayag nga ang una nakadiskubre sa bangkay sang biktima sa Barangay Apopong amo ang iya sini nga partner nga myembro sang LGBTQ community.
Suno sa Barangay Apopong Kagawad nga si Jun Lacea, buksan kuntani sang partner sini ang ila nga lotto outlet sa bahin man sang balay sang nadiskubre ang bangkay sang biktima sa kama.
Ginapahayag nga nagaisahanon lang biktima sa ila nga balay bangud yadto sa birthday party ang iya sini nga mga himata. Ginalauman nga masunod kuntani sa ila ang biktima apang wala na ini makadayon.
Ginadudahan sang mga kapulisan nga ginkawatan anay ang biktima antes nga ginpatay.
Samtang, may yara sang isa ka tricycle driver nga nagdul-ong sang pagkaon para sa mga hinuptanan sang biktima ang ginkwestiyon sang mga kapulisan apang ginpanginwala sini nga may nahibaluan siya sa krimen.
Nagapadayon sa subong ang ginapatigayon nga imbestigasyon sang mga otoridad.
