ROXAS CITY – Wala nakasalbar sa kamatayon ang 21 anyos nga dalaga, samtang pilason ang iya angkas, matapos nga maaksidente sa motorsiklo, sa national highway sang Poblacion Ilawod, Panay, Capiz.
Ginkilala ang napatay nga si Heart Agregorio, samtang pilason ang iya backrider nga si Winnie Joy Tolopia, lunsay mga residente sang Barangay Culajao, Roxas City.
Sa nakuha nga impormasyon sang Bombo Radyo sa Panay MPS, nga ginasubay sang duha ang amu nga dalan, nagikan sa banwa sang Panay kag pauli sa syudad sang Roxas.
Posible nga wala matalupangdan ni Agregorio ang ginakay-o nga dalan, rason nga natumba ang mga ini.
Ginpahayag nga nalampos ang dughan sang dalaga sa nagatumpok nga semento sang ginwasak nga dalan.
Padayon man nga ginabulong sa Roxas Memorial Provincial Hospital (RMPH) si Tolopia.
