ROXAS CITY -Natandog ang balatyagon sang 20 anyos nga dalaga sa sitwasyon sang mag-asawa nga senior citizen rason nga ginhatagan sini sang bulig gikan sa nadag-an sa “Tiktok Challenge”.
Ini ang ginpabutyag ni Christine Joyce Fabellore sang Barangay Poblacion, Mambusao Capiz.
Ginpahayag ni Fabellore nga natandog ang balatyagon sini sang nakita ang sitwasyon sang mag-asawa nga Fuldirico kag Visitacion Gialen sang Barangay Duran,Dumalag Capiz sa isa ka facebook post nga ginmention sang kilala sini.
Suno kay Fabellore nga naluoy ini sa sitwasyon sang mag-asawa bangud wala na sang may nagaatipan sa ila.
Magluwas diri, wala sang palangabuy-anan ang mag-asawa nga Gialen.
Bangud natandog ang iya nga balatyagon, nagdesisyon si Fabellori nga gamiton ang P1,000 nga nadag-an sa tiktok challenge, para mabaklan sang gamit sa balay kag mga groceries ang mag-asawa.
Gindugang pa ni Fabellore nga ginpadulongan sini ang mag-asawa agud personal nga ihatag ang mga groceries kag pila ka gamit sa balay.
Samtang tuman naman ang kalipay sang mag-asawa nga Gialen sa nabaton nga bulig gikan sa dalaga.
