-- ADVERTISEMENT --

ROXAS CITY – Dap-ong sa ibabaw sang balay ang ginalantaw nga rason ni Kagawad Melbert Acolola sa nagluntad nga sunog sa Barangay IX, Roxas City.

Suno kay Kagawad Acolola, nagdap-ong ang asawa sang tag-iya sa ibabaw nga panalgan sang ila balay agud pangtabog sa lamok apang naling-an sini ang dap-ong kag nagdaba-daba nga posible ginpalid sang hangin kag naglapta ang kalayo.

Nahibaluan nga 2-storey ang balay nga ginapanag-iyahan ni Francisco Fuentes Jr kag totally burned gid ini sa nagluntad nga sunog samtang partially burned naman ang duha pa ka balay nga ginapanag-iyahan ni Francisco Fuentes Sr kag Franklin Fuentes.

Tatlo ka persona naman ang nag-angkon sang minor injuries bangud sa pagbulig nga matapna ang kalayo kag ang iban nagtinguha nga masalbar ang ila kagamitan.

Nagdangat sa P22,000 ang nangin kahalitan sang amu nga sunog.

-- ADVERTISEMENT --

Sa karon, nagapadayon ang imbestigasyon sang Roxas City Fire Station sa nasambit nga insidente.