ROXAS CITY – Wala sang may nakita nga problema ang Department of Environment and Natural Resources-Environmental Management Bureau (DENR-EMB) Region 6 sa operasyon sang Sewerage Treatment Plant kag Water Treatment Plant sang Capiz Sugar Central sang ila ini ginpadulongan kahapon nga adlaw.
Mahibaluan nga ginareklamo sang mga pumuluyo sa lugar ang suno sa ila mabaho ukon foul odor nga nagahalin sa Capiz Sugar Central.
Suno kay DENR-EMB Supervising Environmental Management Specialist Engineer Marlon Bonite nga nagsugod ang baho matapos ang paglaslas sang bagyo nga Ursula sang Disyembre tuig 2019.
Apang suno kay Bonite nga kasarangan naman ang baho ukon tolerable ang baho subong base sa ila obserbasyon.
Ginpahayag ni Bonite nga magapatawag sila sa gihapon sang technical conference kaupod ang management sang Capiz Sugar Central kag ang opisyales sa banwa sang President Roxas agud mahinala-an kun ano pa ang mahimu nga dugang nga solusyun para madula ang baho sa amo nga pasalidad.
