Department of Agriculture, Ginpasiguro nga indi ma-apektuhan sang tensyon sa Middle East ang supply sang bugas sa Pungsod

Ginpasiguro sang Department of Agriculture (DA) nga may yara sang bastante sang supply sang bugas sa pungsod apisar sa nagapadayon nga tensyon sa Middle East.

Suno kay Agriculture spokesperson Assistant Secretary Arnel de Mesa, may yara sang halos 700,000 metric tons sang imported nga bugas sa pungsod.

Ginalauman man nga dako ang local production bangud nag-umpisa na ang tig-alani subong nga bulan.

Ginabanta sang DA nga magalawig ang supply sang bugas tubtob sa masunod nga harvest season.