Ginsiguro ni Agriculture Secretary Francisco P. Tiu Laurel Jr. ang mas mabaskog nga suporta sang Department of Agriculture (DA) sa industriya sang saging sa pungsod pamaagi sang mga tikang batuk sa Panama disease kag mga programa nga magapabakod sa ikasarang nga makigsabayan sa pangkalibutanon nga merkado.
Sa 32nd Joint General Assembly sang Philippine Banana Growers and Exporters Association (PBGEA) kag Banana Export Industry Foundation (BEIF), ginhatagan pagtamod ni Tiu Laurel ang kooperasyon sang gobyerno kag pribado nga sektor agud buhayon ang industriya nga apektado sang Fusarium wilt ukon Panama disease, nga nakaapekto na sa 15,500 ka mga ektarya sa Davao Region.
Kalakip sa plano sang Department of Agriculture para sa 2025 ang pagpanagtag sang 106,000 ka mga banana planting materials, 120,000 units sang organic fertilizer, kag deployment sang 215,000 biological control agents para mapaayo ang produksyon.
Ginganyat man ni Tiu Laurel ang padayon nga adbokasiya para sa tupong nga trade terms sa idalom sang Japan-Philippines Economic Partnership Agreement (JPEPA) kag ang pagpasangkad sang pagtuon sa disease tolerance kag moderno nga teknolohiya para sa mas mapag-on nga banana industry.
