Hugot nga ginpanginwala sang Deputy Head of Capiz Delegations ang nagalapta nga isyu nga nagutuman ang mga delegado sang Capiz sa Batang Pinoy 2025 sa General Santos City.
Sa interview sang Bombo Radyo kay Conwel Diestro, Deputy Head sang Capiz Delegations , iya ginpahayag nga wala sang kamatuoran ang amo nga isyu bangud bastante ang supply sang pagkaon sang mga delegado.
Suno kay Diestro, wala ginpabay-an sang provincial government ang mga delegado sang Capiz bangud may naka-allocate nga budget para diri apang naka-pending lang kag ginatinguhaan nga mapadala sa gilayon.
Pahayag pa niya, boluntaryo nga naghatag ang local government sang General Santos City kag wala nagpangayo ang probinsya sang Capiz sang anuman nga bulig.
Dugang pa sang natungdan, padayon ang pagpanikasog sang tanan nga delegado sang Capiz agud makapauli nga may kadungganan kag medalya gikan sa kompetisyon.
Interviewed by: Bombo Sunnie Mae Batencila via Zona Libre
