MAAYON, CAPIZ- Ginahulat pa sang mga katapo sang Maayon Municipal Police Station ang desisyon sang pamilya sang bangkay nga nasapwan sa higad sang dalan sa Barangay West Villaflres, Maayon, Capiz nga ipaidalom ini sa autopsy.
Ang nasapwan nga bangkay ang ginkilala kay Jobert Dogelio, 42-anyos kag residente sang nasambit nga lugar.
Sa interview sang Bombo Radyo kay Police Captain Danilo F. Lauron, Officer-In-Charge sang Maayon Municipal Police Station, iya ginpahayag nga may yara sang kaangay marka sa lawas sang amo nga bangkay ang luyag gid nila nga mausisa agud matumod kun ano ang rason sang kamatayon sini.
Suno kay Lauron, pamaagi sa autopsy, dira kag matumod ang amo nga marka apang kun indi magsugot ang pamilya sini, magapatigayon sila sang post-mortem examination.
Nahibaluan nga ang amo nga lalaki ang nagikan sa isa ka birthday party antes nga natabo ang insidente.
Interviewed by Bombo Roadnie Daban Dalanon
