DFA, nagpaandam sa pagbutang sang indi awtorisado nga Stamp sa Passport

Hugot nga ginadumili-an sang Department of Foreign Affairs (DFA) ang pagbutang sang indi awtorisado nga stamp ukon marka sa mga passport.

Suno sa DFA, ang kasubong nga pagbag-o ang mahimo nga makapadula sang pulos sa passport kag ginakabaig nga pagpangpeke sang opisyal nga dokumento, nga may nagakaigo nga penalidad sa idalom sang layi.

Gin-abisuhan sang ahensya ang publiko nga ipasa lamang ang passport sa mga awtorisado nga opisyal, labi na kag nag-viral sa social media ang pila ka mga passport nga may souvenir stamp halin sa nagkalain-lain nga lugar kag pungsod.