ROXAS CITY – Natapos na ang tatlo ka adlaw nga pagbisita sang pilgrim relic ni St. Therese of the Child Jesus sa archdiocese sang Capiz.
Matapos ang santos nga misa kag public veneration sa mission station sang Barangay Bilao, banwa sang Sapian, ginsugat sang mga nagikan sa Diocese sang Kalibo, Aklan ang amu nga pilgrim relics.
Matandaan nga nag-abot sa syudad sang Roxas ang pilgrim relics sang Santo sang Lunes nga adlaw kag nagdiretso sa Camp Macario Peralta sa banwa sang Jamindan, nagbisita man ini sa mga parokya sa kabanwahanan sang Mambusao, President Roxas, Roxas City Immaculate Conception Metropolitan Cathedral kag Carmelite Monastery kag ang katapusan sa nasambit nga mission station sa banwa sang Sapian.
Nahibaluan nga ika-lima na ka beses nga pagbisita sang pilgrim relics sa Pilipinas kag ikatatlo naman sa arkidiyoses sang Capiz.
