Disenyo sa pag-construct sang covered gym sa Brgy. Libas, Roxas City nagikan sa City Engineering Office – DPWH

ROXAS CITY – Ginkompirmar sang Capiz 1^st Engineering District sang Department of Public Works and Highways (DPWH) nga ginasunod lamang nila ang disenyo nga luyag sang city engineering office sa pag construct sa covered gym sang Purok 3, Barangay Libas, Roxas City.

Ini ang ginpahayag ni Engr. Julius Abela, Maintenance and Construction division head sang mainterview sang Bombo Radyo.

Suno kay Abela nga nagaserbi nga construction firm para sa nasambit nga proyekto amo ang CLY-ABC Builders kun sa diin nagalab-ot sa P2,879,780.30 ang pondo gikan sa opisina ni Sen. Tito Sotto.

Sa karon padayon ini nga gina-construct kag ginalaoman sa bulan na sang Marso 2021 ini matapos.