Liwat nga nag-apelar ang defence team ni anay Presidente Rodrigo Duterte, sa sini nga tion nga i-disqualify ang duha ka pre-trial judges sang International Criminal Court (ICC) sa paghimo sang desisyon sa hurisdiksyon sang tribunal sa reklamo sang krimen batok sa katawhan batuk sa anay presidente.
Madumduman nga ang kampo sang anay Presidente nagpangabay na sang Mayo 1 sang partial recusal ukon partial absence sang ICC pre-trial Judges María del Socorro Flores Liera kag Reine Adélaïde Sophie Alapini-Gansou gikan sa mga proceedings bangud sa ginaalegar nga “perceived bias” ukon ang posibilidad sang prejudice, pero ang Prejudice ICC Chamber ginbasura ini sang Mayo 5.
Sa isa ka bag-o nga pangabay nga gin-file sang abogado sang depensa sang anay Presidente nga si Nicholas Kaufman sa ICC Presidency, ginpangabay niya nga ang duha ka hukom sang ICC ma-disqualify sa pagbista bangud sang mga isyu sa hurisdiksyon.
Base sa Rules of Evidence and Procedure sang ICC, ang ICC Presidency, nga ginabug-usan sang ICC President, una nga bise presidente, kag ikaduha nga bise presidente, ang magadesisyon sa mga pangabay nga excuse ukon disqualify ang mga hukom sa pag-ehersisyo sang ila mga katungdanan.
Apang bangud si Alapini-Gansou ang nagaserbe bilang ikaduha nga bise presidente sang ICC, ginpahayag ni Kaufman nga dapat siya ma-disqualify sa pagdesisyon sa ila request.
Ang piskal sang ICC nga si Karim Khan nagpadayon anay nga ang grupo sang depensa napaslawan sa pagpakita sang ila ginaalegar nga “ginakabig nga pagpasulabi” sang duha ka hukom sang ICC.
Madumduman nga sanday Alapini-Gansou kag Flores Liera ang lakip sa mga nagpirma sa mandamiento de aresto batok kay anay Presidente Duterte.
