Ginpahayag sang mataas nga opisyal sang Department of Justice nga indi mahimu nga diktahan ukon impluwensiyahan sang gobyerno sang Pilipinas ang posible nga extradition ni Kingdom of Jesus Christ leader Pastor Apollo Quiboloy sa Amerika.
Ini matapos nga ihambal sang abogado kag tagpamaba sang KOJC nga si Atty. Israelito Torreon nga atubangon lamang ni Pastor Quiboloy ang iya mga kaso kun mag-isyu gid man si Presidente Ferdinand Marcos Jr. sang isa ka written declaration nga wala sang extraordinary rendition kay Quiboloy sa Amerika.
Sa isa ka paghinun-anon, ginpahayag ni DOJ USec. Raul Vasquez nga ini ang isa ka legal issue nga kinahanglan sang maid-id nga pagtuon.
Ginahayag man ni Vasquez nga wala sang sin-o man sa gobyerno ang makahatag sang garantiya sa kondisyon nga ginhatag sang pastor.
Ginhatagan pagtamud sang opisyal nga nakahigot ang Pilipinas sa extradition treaty sa Estados Unidos rason nga wala opisyal sang gobyerno ang luyag nga maglapas sa layi.
Obligasyon man suno ini sang estado, kun sin-o man sa karon nga nakapoungko sa leadership position.
Samtang, ginklaro naman ni USec. Vasquez nga indi niya pagpangunahan ang anuman nga mangin desisyon sang mas nakakataas sa iya angut sa mga kondisyon ni Quiboloy.
