Ginkilala sang Department of Justice (DOJ) ang panawagan nga magbalik ang Pilipinas sa pagiging miyembro sang International Criminal Court.
Maluwas diri, ginsiling man ni Justice Assistant Secretary Mico Clavano nga ginkilala sang ahensiya ang panawagan sang publiko nga isumiter sa ICC ang report sang Quad Committee sang Kamara de Representantes angut sa madugo nga drug war ni anay Presidente Rodrigo Roa Duterte.
Apang, suno naman kay Clavano nga si Presidente Ferdinand Marcos Jr. lamang ang makabuo sang desisyon angut diri, bilang chief architect sang foreign policy sang pungsod.
Bangud diri, manindugan kag magasunod ang DOJ kun anuman ang desisyon ni PBBM.
Tuig 2019 sang nagbalhin ang Pilipinas sa ICC sa idalom ni anay Presidente Rodrigo Duterte.
Kalakip sa mga gin-imbestigahan sang ICC ang mga war crimes, crime of aggression, genocide, kag crimes against humanity.
Si Duterte ang isa sa mga subject sang crime against humanity investigation sang international body bangud sa madugo nga serye sang palatyanay sang ginsuguran sini ang kampanya batuk sa iligal nga droga.
