ROXAS CITY – Sa mga eskwelahan ang priyoridad nga ubrahan sang mga benepisyaryo sang DOLE Tupad program sa lima ka barangay sa syudad sang Roxas.
Ini amo ang Barangay Mongpong, Banica, Lanot, Cabugao kag Balijuagan.
Sa interview sang Bombo Radyo kay Romil Alvarez, isa sa mga benepisyaryo sang TUPAD program, ginpahayag sini nga kada Barangay ang may yara sang 50 ka mga benepisyaryo.
Suno kay Alvaraez nga magauna sila nga magatrabaho sa mga eskwelahan nga nagapakigbahin sa Brigada Eskwela.
Dugang pa sini nga kun matapos ang ila pagpanglimpyo kag pagpang-repair sa mga hulot klasehan magasaylo man sila sa mga ulubrahon sa ila tagsa ka mga barangay.
Pahayag pa ni Alvarez nga daku gid ang mabulig sang ila mabaton nga P4,800 nga sweldo sa napulo ka adlaw nila nga pagtrabaho.
Nahibaluan nga ang Programa ang ginfacilitate ni Pinuno Partylist Congressmam Howard Guinto.
